بۇگىندە باسى داۋعا قالىپ، تىعىرىققا تىرەلگەن «ەر-تاۋ» ج ش س 2014 جىلدىڭ جەلتوقسان ايىندا استانا قالاسىنداعى كەنەسارى مەن شيەۆچەنكو كوشەلەرىنىڭ قيىلىسىنان جەر ۋچاسكەسىن ساتىپ الىپ، ءوز قارجىسىنا كوپپاتەرلى تۇرعىن ءۇي كەشەنىن سالۋعا 2018 جىلدان باستاپ كىرىسەدى.

سول كەزدە «نۇرلى جول-ك-2008» ج ش س» ديرەكتورى ن.ا. اسكەروۆا مەن وكىلى ا. ي. دەرگاچيەۆ كەلەدى دە، ينۆەستور رەتىندە جۇمىستى جۇرگىزۋگە ۇسىنىس تاستايدى. ءبىر ايعا الدىن الا كەلىسىمشارت جاسالعان سوڭ، ولار ماماندارى مەن تەحنيكاسىن اكەلىپ، ءتىپتى قارجىلىق مۇمكىندىگىن كورسەتەتىن قۇجاتتار ۇسىنۋ كەرەك بولعان. ءبىراق الدىن الا كەلىسىمشارتتا پاتەر ساتۋ تۋرالى ەشتەڭە جازىلماسا دا، وزگە دە مىندەتتەمەنى موينىنا العانى تۋرالى قۇجات تۇزىلمەسە دە، ودان قالا بەردى ايتىلعان شارتتىڭ ءبىرىن جۇزەگە اسىرماسا دا، سول كۇنى-اق پاتەرلەردى ۇلەسكەرلەرگە ساتا باستاعان. ولاردىڭ بۇل قيتۇرقى ارەكەتىن بىردەن بايقاعان نەگىزگى قوجايىنى «ەر-تاۋ» ج ش س قۇزىرلى ورگاندارعا جۇگىنەدى. قۇقىق قورعاۋ ورگاندارى بىردەن تەكسەرمەگەندىكتەن 89 پاتەر ساتىلىپ كەتكەن. دەر كەزىندە دابىل قاعىپ ۇلگەرسە دە ۇنىنە ەشكىم قۇلاق اسپاعان كومپانيانىڭ قۇرىلىس جوباسى 35 پايىزعا اياقتالىپ، ورىندالعان جۇمىستىڭ قۇنى جەر ۋچاسكەسىمەن بىرگە 3905 800 927 تەڭگەنى قۇراعان. الايدا «ەر-تاۋ» ج ش س ءوزى يەلىك ەتەتىن جەر ۋچاسكەسىنەن دە، تۇرعىن ءۇي كەشەنىنەن دە جولدان قوسىلعان كۇماندى كومپانيانىڭ كەسىرىنەن ايرىلىپ قالۋى مۇمكىن.

كومپانيا ءوز قۇقىعى مەن زاڭدى مۇددەسىن قورعاۋ ماقساتىندا 2021 جىلدىڭ اقپانىنان باستاپ 2023 جىلدىڭ مامىر ايىنا دەيىن قۇقىق بۇزۋشىلىققا قاتىستى استانا قالاسىنىڭ پروكۋراتۋراسى، پوليسياسى جانە استانا قالاسىنىڭ اكىمدىگى، قالالىق ورتا ساپاسى جانە باقىلاۋ باسقارماسىنىڭ اتىنا، قۇقىق قورعاۋ جانە مەملەكەتتىك ورگاندارعا ارىز تۇسىرسە دە، ەشقانداي ارەكەت بولماعان.

«ەر-تاۋ» ج ش س ديرەكتورى مۇرات تاسوۆتىڭ ايتۋىنشا، استانا قالالىق مەملەكەتتىك ارحيتەكتۋرالىق قۇرىلىستى باقىلاۋ باسقارماسىنا ارىزدانعان.

«ءبىز دە جالعان كومپانياعا الداندىق ەمەس پە؟ بىزگە دە شىعىن كەلدى. ءبىراق ءبىزدىڭ مۇلىكتى ۇلەسكەرلەرگە بەرە سالدى. اقىلعا سىيمايتىن نارسە ورىن العان سوڭ، مۇنى رەيدەرلىك ارەكەت دەۋگە نەگىز بار. ەڭ سوراقىسى – بۇل مەملەكەتتىك ورگانداردىڭ قولىمەن جاسالىپ وتىر. «نۇرلى جول-ك-2008» جشس-نە شارا قولدانۋدىڭ ورنىنا ءبىزدى جاۋاپكەرشىلىككە تارتۋعا تىرىسىپ، ۇلەسكەرلەردىڭ الدىندا بورىشكەر ەتىپ قويدى»، – دەيدى مۇرات تاسوۆ.

وسىلايشا، «نۇرلى جول-ك-2008» ج ش س كەسىرىنەن زارداپ شەككەن ۇلەسكەرلەردىڭ شىعىنى «ەر-تاۋ» جشس-نە ءىلىنىپ وتىر. زاڭگەر ەركىنبەك مىڭجانوۆتىڭ ايتۋىنشا،  جەر ۋچاسكەسى دە جەكەمەنشىك يەلىگىندە.

«وسىدان-اق «ەر-تاۋ» ءجشس-نىڭ كونستيتۋسيالىق قۇقىعى بۇزىلىپ تۇر. بۇل نىساندى سالۋ زاڭدى تۇلعا – «ەر-تاۋ» ج ش س قۇزىرەتىندە. الايدا، ۇلەسكەرلەر ساتىپ الاردا ساۋاتتىلىق تانىتىپ، زاڭدى قۇجات تالاپ ەتپەگەنى قالاي؟ ءقازىر ءبىزدىڭ قولىمىزدا الدىن الا برونداۋ مەن قۇرىلىسقا ۇلەسكەر بولۋ تۋرالى كەلىسىم-شارتتىڭ زاڭسىز ەكەنى تۋرالى سوت اكتىلەرى بار. ءاۋ باستا «نۇرلى جول-ك-2008» ۇستىنەن الاياقتىق بابى بويىنشا، ءىس قوزعالعانمەن، قۇقىق قورعاۋ ورگاندارى «ەر-تاۋ» جشس-نە ماتەريالدىق زالالدىڭ بولماۋىنا بايلانىستى دەگەن جەلەۋمەن قىلمىستىق ءىستى توقتاتىپ تاستادى»، – دەيدى زاڭگەر ەركىنبەك مىڭجانوۆ.

جابىرلەنۋشى تاراپ مۇنىڭ ارتىندا سول كەزدەگى گاسك باسقارما باستىعى بولعان داۋلەت دوسقۇلوۆتىڭ قاتىسى بار ەكەنىن ايتىپ، «وسى زاڭسىزدىق ارەكەتتىڭ ءبارى دوسقۇلوۆ پەن ونىڭ قولدان جاسالعان ۇلەسكەرلەرىنىڭ كەسىرىنەن بولىپ وتىر. اكىمدىك جانىنداعى ۆەدومستۆوارالىق كوميسسيا رەيدەرلىكپەن اينالىسادى. «نۇرلى جولدىڭ» باسشىلىعى قىلمىسى ءۇشىن سوتتالدى، ءبىراق وعان ءبىزدىڭ قانشالىقتى قاتىسىمىز بار دەگەنگە ەشكىم باس قاتىرمايدى. ەل پرەزيدەنتىنەن وسى زاڭسىزدىققا ارالاسۋىن سۇرايمىن!»، – دەيدى كومپانيا باسشىسى مۇرات تاسوۆ.

ايتپاقشى، كومپانيا جاسىرىن تۇردە جۇرگىزىلگەن تەرگەۋگە نىساندى ءوز قارجىسىنا سالعانىن دالەلدەيتىن بارلىق قۇجاتتى ۇسىنسا دا، بۇل قىلمىستىق ءىس ماتەريالىنان الىنىپ تاستالعان. سەبەبى، قۇرىلىس جوباسىن تارتىپ الۋ بىرىنشىدەن اكىمدىككە، ەكىنشىدەن ۇلەسكەرلەرگە، ۇشىنشىدەن الاياقتارعا ءتيىمدى. ال شىعىن كاسىبىن ادال باستاپ، جۇرگىزىپ كەلگەن «ەر-تاۋ» ءجشس-نىڭ موينىنا ىلىنبەك. كومپانيا ءوز مۇلىگىن قايتارىپ الۋ ءۇشىن بۇل رەيدەرلىك ارەكەتكە اراشا ءتۇسۋىن سۇراپ، پرەزيدەنت اكىمشىلىنە، پرەزيدەنت اتىنا جانە باس پروكۋراتۋراعا حات جازدى. ەندىگى ءادىل شەشىمدى سولاردان عانا كۇتەدى.

الايدا «استانا» تەلەارناسىنا قالالىق ورتا ساپاسى جانە باقىلاۋ باسقارماسى پىكىر ءبىلدىرىپ،  اياقتالماعان قۇرىلىس پەن جەر ۋچاسكەسىن تۇرعىن ءۇي قۇرىلىسى كووپەراتيۆىنىڭ پايداسىنا بەرۋ تۋرالى جوعارعى سوتتىڭ شەشىمىن عانا ورىنداپ جاتقانىن جەتكىزدى.

«زارداپ شەككەندەر قاتارىندا قۇرىلىسقا اقشا سالعان جۇزدەگەن ۇلەسكەر بار ەكەنىن ايتا كەتۋ كەرەك. ءبىراق بۇل كومپانيا بۇعان ەش قاتىسىمىز جوق دەپ وتىر»، – دەدى قالالىق ورتا ساپاسى جانە باقىلاۋ باسقارماسى وكىلدەرى.